Lajme

1 Dhjetor 2017

QKShK ka përgatitur për shtyp librat “Prindërimi pozitiv i adoleshentëve” dhe “Prindërimi pozitiv i fëmijëve 0-10 vjec”. Për printimin e të cilave po kërkon oferta.

Kriteret teknike të librit:

-100 faqe A5, bardh e zi.;
-Kopertina, faqja e parë dhe e fundit, me ngjyra;
-Me ISBN
-Numri i kopjeve: 150 kopje libri për prindërimin pozitiv të fëmijëve dhe 100 kopje libri për prindërimin e adoleshentëve.
-Dizenjim i kopertinës dhe faqosje.

Kërkojmë ofertë për cmimin e printimit dhe të faqosjes sipas fashave të numrit të kopjeve.

Bizneset e interesuara te nisin ofertën e tyre në adresën nccs.albania@gmail.com, ose të printuar në adresën Tiranë, Rruga Isa Boletini, Pallati Planet
X (përballë hotel Vila Verde, te kryqëzimi i Selvisë), kati 2. Afati i dorëzimit të ofertës është 31 Dhjetor 2017.

Gjobitet nga Urdhri i Infermierit një infermiere

15 Janar 2016

Në vijim të kërkesës së së Qendrës Kombëtare Për Shërbime Komunitare në Urdhrin e Infermierit për ndjekjen disiplinore të një infermiereje, Komisioni Disiplinor i Urdhrit të Infermierit të rajonit Tiranë, në datë 14 Janar 2016, vendosi marrjen e masës disiplinore ndaj saj, gjobë 30,000 lek.

Rasti i infermieres u denoncua në shtator në media. Një paciente në Shërbimin Infektiv në QSUT u ankua se infermierja nuk i kishte bërë një antibiotik dhe dyshonte se arësyeja ishte mos-dhënia e rrushfetit.

Pas ankesës së pacientes u mblodh stafi i Shërbimit Infektiv dhe ky i propozoi QSUT-së marrje të masës disiplinore “vërejtje me paralajmërim”. Infermieres, si pasojë, ju ndërpre marrëdhënia e punës për shkelje të detyrimeve kontraktuale me faj të rëndë.

Urdhëri i Infermierit është organ i pavarur nga QSUT, e merret me mbrojtjen e pacientëve nga kequshtrimi i profesionit nga ana e infermierëve. Si i tillë Urdhëri mund të marrë në mënyrë të pavarur masa disiplinore për infermierët. Masat disiplinore të Urdhrit, ndryshe nga ato të QSUT-së, kanë pasoja në afatgjatë dhe mbi liçencimin e infermierit.

Advertisements