BE-ja ofron 1.5 milion euro ndihmë humanitare për refugjatët dhe emigrantët në Bosnje-Hercegovinë

Bashkimi Europian ka lajmëruar në Qershor se do të japë 1.5 milion euro ndihmë humanitare për të adresuar nevojat në rritje të refugjatëve, të kërkuesve për azil dhe të emigrantëve të ngecur në Bosnje-Hercegovinë.

Kjo shumë e çon fondin total të dhënë për Ballkanin Perëndimor që në fillim të krizës së refugjatëve në 30.5 milion euro.

Komisioneri për Ndihmën Humanitare dhe Menaxhimin e Krizave, Z. Christos Stylianides tha se: “Numri i refugjatëve dhe emigrantëve që vijnë në Bosnje-Hercegovinë është shtuar, prandaj duhet të veprojmë me shpejtësi. Jemi të dedikuar të ndihmojmë Bosnje-Hercegovinën të zgjidhë këtë situate dhe të ofrojë asistencë për refugjatët dhe emirgantët më të brishtë. Fondet tona do të mbështesin nevojat e tyre bazë, do të ofrojnë strehim emergjent, ushqim, asistencë shëndetësore, si dhe mbrojtje.

Ndihma humaniare e BE-së është ofruar në qytete si Sarajevë, Bihać and Velika Kladusa në Bosnje-Hercegovinë. Fondet synojnë të fuqizojnë ofrimin e asistencës, mjedisin e përshtatshëm dhe të rrisin kapacitetet e organizatave që po ofrojnë mbështetje emergjente për refugjatët dhe emigrantët. 

Pak histori

Bashkimi Europian ka ofruar më shumë se 25 milion Euro për refugjatët dhe emigrantët në Serbi, dhe 4 milion euro për ata në FYROM, pra për Ballkanin Perëndimor, që nga fillimi i krizës humanitare. Ndihma e BE-së ndihmon refugjatët dhe emigrantët më shumë të keqndikuar, për të plotësuar nevojat bazë të tyre dhe për të jetuar me dinjitet.

Krahas ndihmës humanitare, Komisioni Europian ndihmon partnerët në Ballkanin Perëndimor me mbështetje të rëndësishme financiare dhe teknike për aktivitetet e lidhura me emigrimin dhe me krizën e refugjatëve. Kjo mbështetje bëhet në kuadër të Instrumentit për Asistencë Para Aderimit. Që nga viti 2007 Komisioni ka ofruar asistencë për Bosnje-Hercegovinën në fushën e migracionit, të administrimit të kufirit, në shumën 24.6 milion euro, në kuadër të Instrumentit Për Asistencë Para Aderimit.  Nga Janari 2016 Bosnje-Hercegovina gjithashtu përfiton 8 milion euro dhe nga programi rajonal “Mbështetje për Menaxhimin e Emigrimit të Ndjeshëm ndaj Mbrojtjes”.

Rreth 4,900 refugjatë dhe emigrantë që kanë hyrë në Bosnje-Hercegovinë nga Janari i vitit 2018, sipas të dhënave të qeverisë. Rreth 2,500 refugjatë dhe emigrantë kanë nevojë për ndihmë dhe kanë ngelur në Bosnje-Hercegovinë. BE-ja do e ofrojë ndihmën përmes organizatave partnere humanitare që janë në Bosnje.

http://europa.eu/rapid/press-release_IP-18-4062_en.htm

Advertisements
Posted in Uncategorized | Leave a comment

Direktorati i BE-së për ndihmat humanitare do të mbrojë 42,000 fëmijë dhe vajza të reja në Bangladesh

 

 

 

 

 

 

 

Direktorati i BE-së për ndihmat humanitare dhe emergjencat civile (ECHO) I ka ofruar 2.6 milion dollarë UNICEF-it që fëmijët, adoleshentët dhe vajzat e reja refugjatë në Bangladesh të mund të jetojnë të sigurtë dhe të mbrojtur nga dhuna gjinore, si dhe me akses më të mirë ndaj shërbimeve sociale. Nga këto fonde do të përfitojnë 41,500 fëmijë dhe adoleshentë që jetojnë në kampet Rohingja si dhe vendasit bangladeshas (pritësit) që jetojnë bashkë me ta.

Më shumë se 693,000 refugjatë nga Burma kanë mbërritur në Cox Bazar të Bangladeshit që në gusht të vitit 2017-më shumë se gjysma e tyre janë fëmijë.

Refugjatët përballen me rreziqe të shtuara, si sëmundjet ngjitëse, shfrytëzimi seksual, puna e detyruar etj. Vendasit pritës gjithashtu janë nën presion për shkak të mijëra refugjatëve që po dynden drejt territoreve të tyre.

“Shumë nga refugjatët që kanë mbërritur në Burma kanë përjetuar dhunë dhe ngjarje traumatike,” tha përfaqësuesi iBangladeshit në UNICEF, Edouard Beigbeder.

“Ata kanë nevojë për tu referuar tek shërbimet përkatëse. Në kampe shumë janë të rrezikuar nga dhuna gjinore…Kjo iniciativë do të na mundësojë të mbrojmë refugjatët më të riskuar dhe të pakësojmë rreziqet dhe brishtësinë e tyre ndaj shkeljeve të tjera të të drejtave të tyre, si shfrytëzimi, trafikimi, dhuna gjinore, martesa me dhunë, puna e detyruar e fëmijëve.”

UNICEF po u ofron më shumë se 182,o00 fëmijëve dhe adoleshentëve shërbime thelbësore të mbrojtjes, përfshirë mbështetje për fëmijët e pashoqëruar që të gjejnë prindërit.  UNICEF po ofron dhe mbështetje për aktivitete rekreative.

Në kampet e refugjatëve u hapën 2 ambjente për vajzat, të cilat mendohet të mbështesin 500 vajza secila.

“UNICEF po ofron ambjente për fëmijët, aktivitete në grup për adoleshentët, referime për rastet emergjente, mbështetje psikosociale, edukim për kompetenca etj. Megjithatë ka shumë për të bërë. Prandaj BE iu bashkua UNICEF-it,” tha  Suranga Mallawa, ekspert I direktoratit ECHO në  Cox’s Bazaar.

Me ndihmën e BE-së do të krijohen 35 ambjente të sigurta për 2000 vajza të reja. Në këto ambjente do të kenë aktivitet grupet e mbështetjes të vajzave. Ato do të mbrojnë vajzat nga dhuna gjinore. Punonjës socialë, klubet e adoleshentëve do të ofrojnë shërbime për 37,000 fshërbime për 37,000 fëmijë dhe adoleshentë refugjatë.

Mbi Bashkimin Europian- Operacioni i Mbrojtjes Civile dhe Ndihmës Humanitare (ECHO)

Bashkimi Europian me vendet e tij anëtare është lider në botë për dhënien e ndihmave humanitare. Përmes direktoratit  të Mbrojtjes Civile dhe Ndihmës Humanitare (ECHO), BE-ja ndihmon mbi 120 milion viktima të konflikteve dhe fatkeqësive natyrore çdo vit. Me seli në Bruksel dhe me një rrjet botëror zyrash, ECHO ofron ndihmë për njerëzit në nevojë vetëm mbi baza humanitare, pa diskriminim mbi baza fetare, rrace, etnike, gjinie, kombësie apo lidhjesh politike.

Posted in Uncategorized | Leave a comment

180 milion euro ndihmë nga BE-ja për ndihmat emergjente ndaj refugjatëve në Greqi

 

 

 

 

Komisioni Europian ka shpallur ndihmë emergjente prej 180 milion eurosh për refugjatët në Greqi, përfshirë fonde për programin ESTIA-Ndihmë Emergjente për Integrimin dhe Akomodimin, i cili ndihmon që refugjatët të akomodohen në qytete dha larg kampeve si dhe u jep atyre ndihmë në para.

Fondet vijnë ndërkohë që Komisioneri për Ndihmat Humanitare dhe Menaxhimin e Krizave, Christos Stylianides u takua sot me Kryeministrin Grek, Alexis Tsipras në Athinë.

ESTIA, program i lançuar në vitin Korrik 2017 në bashkëpunim me Agjencinë e OKB-së të refugjatëve,  është operacioni humanitar më i madh i BE-së në Greqi dhe realizohet në harmoni  me planet e qeverisë greke për largimin e refugjatëve nga kampet në qytete. Deri tani programi ka krijuar 23,000 vende akomodimi si dhe ka krijuar një asistencë për ndihmë me para që mbështet më shumë se 41,000 refugjatë dhe kërkues për azil.

“Ndihmat humanitare ndaj refugjatëve në Greqi janë një sinjal i pastër dhe i lartë për solidaritetin Europian. Ne vazhdojmë të respektojmë objektivin tonë për të ndihmuar refugjatët në Greqi që të jetojnë të sigurtë, normalisht dhe me dinjitet, që të integrohen në ekonominë dhe shoqërinë greke. Programi ynë ESTIA është duke arritur rezultate reale për të ndryshuar jetët e njerëzve përgjithmonë. I kushtoj një falenderim të veçantë qytetarëve dhe kryebashkiakëve grekë që kanë mirëpritur refugjatët me dashuri dhe përkujdesje,” tha Komisioneri për Ndihmat Humanitare dhe Menaxhimin e Krizave,  Christos Stylianides.

BE-ja ka dhënë fonde dhe për Këshillin Danez të Refugjatëve, Arbeiter-Samariter-Bund, Médecins du Monde, Kryqin e Kuq Spanjoll, si dhe për organizatat greke “METAdrasi” dhe “Smile of the Child” për të adresuar nevojat humanitare urgjente në Greqi, përfshirë strehimin, shëndetin, mbështetje psiko-sociale, kushte të përmirësuara higjenike, përkthime etj.

BE-ja ka dhënë gjithsej 1.5 miliard euro për të mbështetur Greqinë për të menaxhuar situatën humanitare, emigracionin dhe kufijtë.

Pak histori

Ndihma e BE-së për emergjenca në Greqi

Në kushte emergjente dhe të jashtëzakonshme, siç është situata e refugjatëve në Europë, Komisioni Europian mund të financojë ndihma humanitare për njerëz brenda territorit të BE-së, përmes Instrumentit për Ndihmë Emergjente, i cili u aktivizua për herë të parë në Mars 2016. Greqia nga ky instrument ka marrë deri tani 605 milion euro.

Programi ESTIA në bashkëpunim me UNHCR-në

Me fondet e reja do të krijohen 27,000 vende akomodimi në qytete, deri në fund të vitit 2018. Shumica e apartamenteve të marra me qira do të jenë në qytetet e Greqisë kontinentale, kurse 2000 akomodime do të hapen në ishujt grekë. Pjesë e kësaj skeme janë disa bashki.

Programi ESTIA synon të jape ndihmë në kesh për 45,000 njerëz deri në mes të vitit 2018. Refugjatët dhe kërkuesit e azilit do të marrin ndihmë ekonomike mujore të cilën do të mund ta tërheqin përmes kartave bankare. Kjo do të ndihmojë që refugjatët të jetojnë me dinjitet, duke mbështetur dhe ekonominë lokale.

Ndihmat humanitare plotësojnë programet e tjera, si Fondi për Azil, Emigrim dhe Integrim, Fondi për Siguri të Brenshme, Fondi Europian për Personat më të Varfër, Programi Europian I BE-së.

http://europa.eu/rapid/press-release_IP-18-2604_en.htm

Posted in Uncategorized | Leave a comment

Trajnim me punonjësit e policisë në Komisariatin e Policisë Pukë

 

 

 

 

 

Qendra Kombëtare për Shërbime Komunitare në kuadër të projektit “Munde dhunën, thyeje heshtjen”, të mbështetur nga qeveria Suedeze nga programi “Forcimi i policimit në Komunitet në Shqipëri”, organizoi në 6 Qershor një trajnim me punonjësit e Policisë të rrethit Pukë mbi trajtimin e rasteve të dhunës në familje. Trajnimi u zhvillua në ambjentet e Komisariatit të Policisë Pukë. Trajnuesja prezantoi projektin, donatorin, organizatën zbatuese dhe objektivin e trajnimit. Prezantimi u bazua në materialin e trajnimit që iu shpërnda gjithë pjesëmarrësve.

Prezantimi i materialit u pasua me diskutime mbi problematikën e dhunës në familje. U shpreh shqetësimi nga të pranishmit mbi trajtimin e rasteve kur për shkak të dhunës në familje kundër nënës nga babai, nëna përfundon në spital, babai në komisariat, kurse për fëmijët minorenë  nuk paraqitet asnjë i afërm ti marrë dhe punonjësi i policisë nuk di se ku ti akomodojë. Punonjësi i policisë u shpreh se në orët e vona shërbimi social në bashki është mbyllur dhe fëmijët përfundojnë të flenë në komisariat.

Trajnuesja sqaroi se përgjegjësi i shërbimit social në bashki duhet të jetë në dispozicion të policisë për trajtimin e rastit të fëmijëve të ngelur përkohësisht pa prindër. Në këtë rast përgjegjësi i shërbimit social lëshon një urdhër për strehimin emergjent të fëmijës në shtëpinë e fëmijës më të afërt. Më këtë urdhër fëmija mund të transportohet për në shtëpinë e fëmijës.

Gjithashtu, streha e emergjencës e shoqatës “Gruaja tek Gruaja” ofron strehim emergjent për gratë dhe fëmijët e dhunuar.

Shqetësime të tjera të ngritura ishin mos-denoncimi nga ana e viktimave i dhunuesit. Ligji këtë rast e parashikon duke i dhënë mundësi policisë të dorëzojë kryesisht kërkesë për urdhër-mbrojtjeje, por i vendos punonjësit e policisë në dilemë mbi hapin e rradhës. Mungesa e fondeve për ofrimin e shërbimeve ishte një tjetër problematikë e  ngritur.

 

Posted in Uncategorized | Leave a comment

BE-ja planifikon të shpenzojë 10% të ndihmës humanitare për edukimin gjatë emergjencave

 

 

 

 

Në një konferencë për shtyp, Christos Stylianides, anëtari i Komisionit Europian, përgjegjës për ndihmën humanitare dhe menaxhimin e krizave, deklaroi se BE-ja do të shtojë financimet për edukimin mbi emergjencat. Plani është që BE-ja të shpenzojë 10% të ndihmës humanitare për edukimin për emergjencat. Ky objektiv është ambicioz po ta krahasosh me shifrën prej 3% që edukimi zë në shpenzimet humanitare të vendeve të tjera të botës.

Çështja e emergjencave ka dalë në sfond të parë për shkak të zhvendosjeve masive të popullsisë që po ndodhin në botë.

Shpenzimet e BE-së për emergjencat janë shtuar rregullisht, nga 12 milion euro në vitet 2012-2014 në më shumë se 275 milion euro në vitet 2015-2018. Në vitin 2017, BE-ja i dedikoi 6% të shpenzimeve humanitare edukimit për emergjencat, kurse në vitin 2018 kjo përqindje u shtua në 8%.

Sqarimet e komisionit për shpenzimet theksojnë 4 prioritete: “Fuqizimi i sistemeve dhe partneritetit për një përgjigje arsimore të shpejtë, efiçente, efektive dhe innovative; promovimi i aksesit, përfshirjes dhe barazisë; promovimi i edukimit për paqe dhe mbrojtje; mbështetja për edukim cilësor me rezultate të larta.”

Objektivi gjatë emergjencave dhe krizave është që fëmijët ti rikthehen mësimit brenda 3 muajve.

“Pse jam kaq i obsesionuar me këtë temë?” iu drejtua komisioneri europian gazetarëve.

“Sepse edukimi është sektori më pak i financuar në rast emergjencash. Rreth 75 milion (një shifër shokuese) fëmijë të moshës shkollore kanë ndërprerë shkollën gjatë krizave dhe emergjencave në Siri, Irak, Afganistan, DRC dhe Sudanin e Jugut. Lista fatkeqësisht është e gjatë dhe po vazhdon të rritet.”

Mes vitit 2012 dhe 2018, më shumë se 5.5 milion fëmijë nga 52 vende përfituan fonde nga BE për edukimin në emergjenca.

Pa përfshirje në edukim, tha komisioneri, fëmijët rrezikojnë të bien pre e dhunës, punës së detyruar, rekrutimit ushtarak të detyruar, martesës së detyruar dhe radikalizimit.

Ai e quajti edukimin gjatë emergjencave jo vetëm një detyrim moral por dhe një investim strategjik për paqen dhe zhvillimin në botë.

Stylianides tha se BE dëshiron të fokusohet në të gjitha nivelet e edukimit dhe se politikat e saj theksojnë “edukimin gjatë gjithë jetës, përfshirë edukimin formal dhe jo formal, në fëmijërinë e hershme, gjatë moshës së shkollës fillore, moshës së gjimnazit, moshës universitare (përfshirë edukimin profesional, universitetin dhe forma të tjera të edukimit).

Jonathan Beger, drejtori i projektit “Eu Advocacy”, nga World Vision, e quajti njoftimin “një lajm të shkëlqyer për ne që punojmë me fëmijët, për të cilët edukimi dhe shkolla janë çështje jete a vdekjeje.”

Beger tha se shkolla është një mjet i fuqishëm për të mbrojtur fëmijët gjatë konfliktit, që ata të kenë të ardhme dhe të ndihmohen për të adresuar frikat dhe eksperiencat e këqija.

Ai shtoi se shumica e 263 milion fëmijëve që nuk janë në shkollë sot jetojnë në zona të paqëndrueshme, me konflikte dhe varfëri ekstreme. Ai tha se është inkurajuese që edukimi i vajzave është në fokus. Vajzat janë 2.5 herë më të rrezikuara që të mbeten jashtë shkollës se sa djemtë.

“Për vajzat sidomos, edukimi mund të jetë një platformë e sigurtë për të përfituar shërbime të tjera shtesë.”

Posted in Uncategorized | Leave a comment

Takime ndërgjegjësuese në Fushë-Arrëz kundër dhunës në familje

NCCS po vazhdon me zhvillimin e aktiviteteve të projektit “Munde dhunën, thyeje heshtjen”,  në kuadër të Programit “Fuqizimi i Policimit në Komunitet në Shqipëri” (SCPA), i financuar nga Qeveria Suedeze. Projekti synon përmirësimin e ndërveprimit mes Policisë së Shtetit dhe aktorëve të tjerë lokalë për rritjen e cilësisë së masave parandaluese dhe shërbimeve për rastet e dhunës në familje.

Në 27 Prill, në ambjentet e Qendrës Sociale në Ndihmë të Njerëzve në Nevojë u zhvillua një takim me gratë e fshatit Lumardh, Fushë-Arrëz. Trajnuesi, mjeku Nikolin Bardhoku, u prezantoi të pranishmëve projektin, donatorin, problematikën e dhunës në familje, çfarë lehtësirash ofron shteti ndaj viktimave të dhunës në familje etj. Ai u dha informacion mbi urdhrin e menjëhershëm të mbrojtjes, urdhrin e mbrojtjes, strehimin e grave në rrezik etj.

Mjekja tjetër e pranishme në takim, Jona Musabelliu, sqaroi pjesëmarrëset se mjekët i trajtojnë rastet e dhunës me vëmendje të veçantë dhe se i raportojnë ato në polici. Gratë pjesëmarrëse në takim përcollën eksperiencën dhe mendimet e tyre mbi dhunën. Pjesëmarrëset theksuan se prindërit duhet të komunikojnë me fëmijën me dashuri, me zë normal, jo me tone të larta, kurse fëmijët nuk duhet të shikojnë filma të dhunshëm.

Pas Lumardhit aktiviteti i rradhës u zhvillua në gjimnazin e Fushë-Arrëzit, në 11 Maj, me praninë e edhe të punonjësit të policisë, Z. Arben Islami, i cili ka qenë i pranishëm në të gjitha aktivitetet e organizuara nga projekti. Z. Islami kërkoi bashkëpunimin e të rinjve në denoncimin e rasteve të dhunës në polici.

 

 

 

Fotografi nga aktivitetet

Posted in Uncategorized | Leave a comment

Trajnim i stafit mjekësor në Qafë-Mal, Fushë-Arrëz mbi dhunën në familje

Në 12 Prill Qendra Kombëtare për Shërbime Komunitare organizoi një trajnim mbi dhunën në familje me stafin mjekësor të qendrës shëndetësore Qaf-Mal, Fushë-Arrëz.

Takimi u organizua në kuadër të projektit “Munde dhunën, thyeje heshtjen”, i mbështetur financiarisht nga Qeveria Suedeze në kuadër të programit “Fuqizimi i Policimit në Komunitet në Shqipëri”-SCPA. Ishin prezent në takim përfaqësuesja e programit SCPA, Znj. Miranda Fishka; kryetari i njësisë administrative Qafë-Mal, Fushë-Arrëz, punonjësi i policisë përgjegjës për zonën, Z. Arben Islami etj.

Pjesëmarrësit në takim u informuan mbi mekanizmat mbrojtës të viktimave të dhunës në familje, veçanërisht për urdhrin e menjëhershëm të mbrojtjes, urdhrin e mbrojtjes; për detyrat që personeli mjekësor ka për depistimin, trajtimin e viktimave të dhunës në familje dhe raportimin e rasteve të dhunës në polici dhe bashki. U theksua se parimi i përgjithshëm i punës profesionale të stafit mjekësor është konfidencialiteti dhe ruajtja e privatësisë së pacientit, por rastet e dhunës në familje raportohen në polici kur viktima është fëmijë apo dhuna ndaj viktimës shkakton dëme fizike, dhe në shërbimin social në bashki kur dhuna është jo-fizike dhe viktima kërkon ndihmë.

 

Posted in Uncategorized | Leave a comment